விளாத்திகுளம் அருகே ஆடுகள் திருடிய 3பேர் கைது: லோடு வேன் பறிமுதல்!
விளாத்திகுளம் அருகே ஆடுகள் திருடிய 3பேர் கைது: லோடு வேன் பறிமுதல்!
விளாத்திகுளம் அருகே பிக்கப் வேனில் ஆடுகள் திருடிய 3பேரை பொதுமக்கள் பிடித்து போலீசி்ல் ஒப்படைத்தனர்.
தூத்துக்குடி மாவட்டம், விளாத்திகுளம் அருகேயுள்ள சிவஞான புரத்தைச் சேர்ந்தவர் மாடசாமி மகன் மகேஷ் (47). இவர் ஆடுகள் வளர்த்து வருகிறார். நேற்று இரவு கொட்டகையில் இருந்த 7 ஆடுகளை மர்ம நபர்கள் பிக்கப் வேனில் கடத்திச் செல்ல முயன்றுள்ளனர். சத்தம் கேட்டு வந்த மகேஷ் மற்றும் அப்பகுதி மக்கள் அவர்களை மடக்கிப் பிடித்து விளாத்திகுளம் காவல் நிலையத்தில் ஒப்படைத்தனர்.
போலீசார் விசாரணை மேற்கொண்டதில் அவர்கள் விளாத்திகுளம் அருகேயுள்ள அருங்குளம் கிராமத்தைச் சேர்ந்த முருகேசன் மகன் வேல்ராஜ் (34), மருதநாயகம் மகன் மகேந்திரன் (25), ஆறுமுகம் மகன் அர்ஜூன் (25) என்பது தெரியவந்தது. இதுகுறித்து சப் இன்ஸ்பெக்டர் செந்தில்வேல் முருகன் வழக்குப் பதிந்து 3பேரையும் கைது செய்தார். மேலும் அவர்கள் திருடிய 7ஆடுகள், திருடுவதற்கு பயன்படுத்திய வேனை பறிமுதல் செய்து விசாரணை நடத்தி வருகிறார்.
